अन्धेरनगरीचा चौपट राजा,
राजापेक्षा येथे सल्लागाराचा गाजावाजा
राजाच्या हातात सत्तेचे नुसतेच गाजर
सल्लागाराच्या वंशावळीची सत्तेवर नजर.
अंधेरनगरीत एकदा व्यापाराला आला उत
मंत्र्या-संत्र्यांनी केली दोन्ही हातानी लूट.
पोटा साठी राबणारा येथे राब राब राबणार,
त्याच्या नशिबी मात्र दररोजचे मरण येणार.
प्रजा म्हणे 'मी एकटा तरी काय करणार?
माझा कोणी मरत नाही तोवर मी नाही पहाणार.'
अंधेरनगरीत काही जणांची मात्र झोप उडाली,
त्यांनी सरळ दुसरी नगरी गाठली.
अंधेर नगरीच्या प्रजेचेही डोके पडले गहाण,
या अराजकातही म्हणे 'मेरा भारत महान!'
No comments:
Post a Comment