सुखसोयींचा पाठलाग

'सुखसोयी' हा शब्द आपण सहज एकत्र म्हणतो,

Facebook ची सोय असताना कट्ट्याचे सुख शोधतो.

Email ची सोय असूनही पत्रासाठी झुरतो,

हातात coke असताना कटिंगचे स्वप्न पहातो.

सोय आणि सुखाचा पाठलाग पाहून मला कुत्रा आणि शेपूट आठवते. 

सोय शिताफीने सुख धरायला जाते 

आणि सुख तेवढ्याच चपळाईने निसटते.

आई-बाबांचे म्हणणे मग आठवते पदोपदी

'तुमच्या सारख्या सोयी नसल्या तरीही, बाळांनो,

 होतो आम्ही भरपूर सुखी.'

आम्हीही आमच्या बाळांना हेच सांगणार,

'सोयींच्या या गर्दीत, बाबांनो, सुख नाही गवसणार.'