संध्या

 रंगांवरती रंग बरसले

मनात धुमसे जणु ही बया

क्रोधित झाली संध्याराणी

क्षितिजाचीही बदले रया


लाटांमागुन आल्या लाटा 

किनार्यास आज मनवाया

उशीर झाला त्यांस यावया

बदलुन गेल्या दोन्ही काया


थंड उसासे मधेच टाके 

दुखावलेली सर्द हवा

हातातील वाळू सरसावे 

त्यावर फुंकर घालाया.


विशाल देखणे दृश्य ठेवले

तू मजपुढे का मी हरवाया?

कर्मकरंटे मीपण माझे 

नकार देई विसराया. 


-केतकी

4 comments:

PATIL said...

तुम्ही खुप मस्त लिहितात.धन्यावाद Jio Marathi

Ketaki said...

Dhanyvad

Ketaki said...
This comment has been removed by the author.
Ketaki said...
This comment has been removed by the author.
 
Copyright (c) 2010 शब्दस्पंदन.